Dýrt hjá Bretlandi at fara úr ES

Rokningin verður stór, gera bretar av at taka seg úr ES. Tað fer at kosta 100 milliardir pund, ella 957 milliardir krónur í okkara peningi

Tað fer at kosta Bretlandi 100 milliardir pund, ella 957 milliardir krónur í okkara peningi, gera bretar av at taka seg úr ES

Johnsigurd Johannesen

Bjarni Mohr

21.03.2016 - 16:20

950.000 færri arbeiðspláss verða hetta til 2020, vísir ein frágreiðing, sum bretska ídnaðarfelagið, CBI, hevur gjørt.

CBI sigur í niðurstøðuni í kanningini, at tekur Bretland seg burtur úr evropeiska samstarvinum, fer álvarsamar avleiðingar fyri búskapin.

- Greiningin vísir, at livifóturin verður meint raktur, sigur stjórin í bretska ídnaðarfelagnum, Carolyn Fairbairn.

SÍ EISINI Annarhvør breti vil sleppa úr Evropasamveldinum

Neiligu avleiðingarnar fyri handilsviðurskiftini og íløgur fara at viga upp ímóti tí, sum Bretland sparir í limagjaldi til ES, sigur hon.

CBI, sum í høvuðsheitum umboðar stórar bretskar fyritøkur, hevur áður gjørt greitt, at felagsskapurin fer at stríðast fyri, at Bretland verður verandi í ES.

Sjálvt um tað eydnast Bretlandi at samráða seg til eina fríhandilsavtalu við ES, eftir at landið er farið burturúr, minkar vøksturin hetta til 2020 við trimum prosent, stendur í frágreiðingini.