Franska løgreglan forðar yvirgangsatsókn

Politiið hevur handtikið ein persón, sum er undir illgruna fyri at ætla yvirgang og hava steðgað fyrireikingunum til eitt yvirgangsálop.

Tað segði franski innanríkisráðharrin, Bernard Caze-neuve, á einum tíðindafundi í gjárkvøldið.

Hann segði, at enn eru ikki prógv fyri, at samband er millum atsóknirnar í Brússel týddagin og hesa ætlaðu atsóknina. Talan er um ein franskan ríkisborgara, sum er handtikin.

Handtøkan varð í einum bygningi einar 15 km norðan fyri París. Tíðindastovur siga, at bumburuddarar eru í bygninginum.

Handtikni persónurin hevur verið eygleiddur av fronsku myndugleikunum í fleiri vikur, sigur franski innanríkisráðharrin. Handtøkan er úrslit av einúm tøttum og støðugum samstarvi millum evropeiskar fregnartænastur.