Japan heldur fram at veiða hval

Altjóða Hvalaveiðunevndin, IWC, hevur sett forboð fyri hvalaveiðu í Suðuríshavinum, tí fleiri hvalasløg eru hótt. Í 1986 setti ein millumtjóðaavala forboð fyri vinnuligari hvalaveiðu.

Í Japan halda tey ikki, at fleiri hvalasløg eru hótt. Japanskir hvalaveiðumenn hava loyvt sær at veiða í Suðuríshavinum í vetur fyri at prógva, at sildrekastovnurin ikki er hóttur. 

Misnýta orðing í lógini

Hetta er ikki fyrstu ferð, at japanskir hvalaveiðumenn gera sær dælt av einari orðing í lógini, sum sigur, at hvalur kann skjótast til kanningarendamál.

Altjóða Dómstólurin í Haag kom í fjør til ta niðurstøðu, at japanska hvalaveiðan kann ikki roknast sum kanningarbeiði, og tí má hvalaveiðan steðga.

Japanski forsætisráðharrin segði tá, at hann fór at virða avgerðina hjá dómstólinum.

Men japansku hvalaveiðuskipini halda fram at veiða hval, hesaferð fyri at prógva, at sildrekastovnurin ikki er hóttur.