Ráðharraskifti í Íslandi

Íslendski Framsóknarflokkurin hevur sett búskaparfrøðingin, Lilju Alfreðsdóttur, sum uttanríkisráðharra, nú Gunnar Bragi Sveinsson, sum var uttanríkisráðharri, gjørdist fiskivinnu- og landbúnaðaráðharri, tá Sigurður Ingi Jóhansson bleiv forsætisráðharri.

Lilja Alfreðsdóttir, sum er 42 ára gomul, las altjóða búskaparfrøði í Washington og samfelagsfrøði í Reykjavík. Lilja Alfreðsdóttir hevur arbeitt í íslendska tjóðbankanum síðani 2001.

Hon var ráðgevi hjá Altjóða gjaldoyragrunninum frá 2010 til 2013, og í 2014 og 2015 var hon í íslendska forsætismálaráðnum, har hon gjørdi eina verkætlan.