Fregnartænastan: Minst 135 danir í Sýria og Irak

Fregnartænastan hjá donsku løgregluni heldur, at í minsta lagi 135 persónar hava verið í Sýria og Irak, ella eru har í løtuni, og at tey eru farin í bardaga fyri islamskar rørslur, fyrst av øllum IS.

Tað stendur í viðmerkingunum til lógaruppskot um innferðarbann til Sýria, sum danska løgmálaráðið sendi til hoyringar í síðstu viku. Fregnartænastan metir, at umleið helvtin av teimum 135 eru komin aftur til Danmarkar.

Kunnu hótta trygdina í Danmark

- Tey, sum eru komin aftur úr Sýria og Irak, kunnu hótta trygdina í Danmark, tí tey hava fingið royndir og førleikar, og kunnu verða víðgongd, svikin og til reiðar at brúka harðskap.

Tað hevur fregnartænastan hjá donsku løgregluni, PET, sagt, sambært Danmarks Radio. Í minsta lagi 28 danir ella fólk, sum hava bústað í Danmark, verða hildin at vera dripin í vápnaða stríðnum í Sýria og Irak.

Serfrøðingar hava fýlst á innferðarbannið til Sýria, men danski ríkisákærin sigur við DR, at bannið fer gera tað lættari hjá ákærumyndugleikanum, tá rættarmál skulu roynast.