Opið stríð millum fyrrverandi og núverandi formann

Opið stríð er millum fyrrverandi nevndarformannin í Eik, Jørn Astrup Hansen og núverandi formannin, Torben Nielsen.

Undir yvirskriftini: "Eik fup eller faka" kallaði Jørn Astrup Hansen skattamálið fyri eina gølu í Sosialinum fríggjadagin 15. apríl. 

Í tíðargrein í blaðnum skrivaði hann haraftrat, at málið setur TAKS í ringt ljós og at tað er ógvuliga tyngjandi fyri TF-holding. Málið er háðan ímóti Fíggjarligum Støðufesti, sigur fyrrverandir formaðurin í EIK, sum var umboð fyri Fíggjarligt Støðufesti í bankanum.

Í dag svarar núverandi formaðurin, Torben Nielsen, aftur í tíðargein, undir yvirskriftiri: Jørn Astrup hansen "glemte" et par ting. Har hann hevur skrivað glemte í gásareygum.

Torben Nielsen, sum er valdur aftur til formann fyri EIK fyrrapartin av eigaranum, sum er TF-Holding, sigur í síni grein til miðlarnar, at Jørn Astrup Hansen hevur "gloymt" at greiða frá sínum egna leikluti, tá hann viðgerð EIK í tíðargreinini, og hann endurgevur haraftrat granskoðarafyritøkuna Deliotte fyri at siga, at EIK HEVUR rætt til at avskrivað tapið, tí tað ER rætt at rokna frá, nær fyruitøkan var stovnað og ikki frá byrjunarstøðuni, sum Astrup annars vil vera við.

Haraftrat sigur núverandi nevndarformaðurin, at nevndin og leiðslan í EIK Banka kennir seg intimideraða av fryvverandi formanninum og afturvísir øllum ákærum um villeiðingar og skattasnýt.

Og tað sigur Torben Nielsen, nevndarformaður í EIK-banka altso í grein, sum hann hevur sent til miðlarnar í dag.

Stjórin á TAKS, Eyðun Mørkøre sigur, at tað fer at taka nakrar vikur aftrat, áðrenn nøkur niðurstøða er í málinum.