Muslimur verður borgarstjóri í London

Fyri fyrstu ferð verður ein muslimur borgarstjóri í bretska høvuðsstaðnum London.

45 ára gamli Sadiq Khan úr Labour er 45 ára gamal, og er ættaður úr Pakistan.

Tá liðugt varð at telja atkvøðurnar, hevði Khan fingið 57 prosent, ella tilsamans 1,3 milliónir atkvøður. Tað eru 300.000 fleiri enn konservativa mótvalevnið, Zac Goldsmith, fekk.

- Takk fyri, London. Eg havi ongantíð droymt um, at ein, sum eg, kundi verða valdur til borgarstjóra í London, segði Sadiq Khan í røðu síni, tá úrslitið varð greitt.

Hann er sonur ein bussførara og eina seymikonu úr Pakistan, og er uppvaksin í London.

Sadiq Khan avloysir konservativa Boris Johnson, sum hevur verið borgarstjóri í London seinastu átta arini.