BBC-journalistur útvístur úr NorðurKorea

Hann varð steðgaður, tá hann skuldi fara umborð á flogfarið fríggjadagin. Hann varð tikin við til avhoyringar, og varð noyddur at skriva undir eina samtykt, skrivar BBC.

Hann var í NorðurKorea saman við einum framleiðara og einum fotografi í sambandi við fyrsta floksfundin hjá kommunistaflokkinum í NorðurKorea í 36 ár. Æltanin var, at tey trý skuldu fylgja eini sendinevnd av Nobelheiðursvinnarum, sum vóru lestrarferð í NorðurKorea. Og tey trý høvdu gjørt fleiri reportagur, sum vístu lívið í høvuðsstaðnum.

Strangt eftirlit

Sambært heimasíðuni hjá BBC, var landsins leiðari ónøgdur við reportagurnar, sum tey høvdu gjørt. Stýrið í NorðurKorea kannar neyvt, hvørjar myndir sleppa út úr landinum. Almennu myndirnar vísa sum oftast stórar skrúðgongur og stórar plakatir av Kim Jong-un.

Arbeiðsumstøðurnar hjá journalistum eru stak vánaligar undir stýrinum, og pressufrælsið er ikki í landinum.

Og farnu viku var ætlanin, at landið skuldi vísa seg frá síni bestu síðu, og millum annað varð bann sett fyri brúdleypum og jarðarferðum.

Samtykt á floksfundi

Á floksfundinum hjá norðurkoreiska kommunistaflokkinum, varð millum annað samtykt, at landið skal økja um talið og nútímansgerða kjarnorkuvápnini, -hóast Kim Jong-un hevur sagt, at landið hevur kravt at umheimurin skal minka um talið av vápnum.