Fólkatalið í Grønlandi minkar

Meðan fólkatalið í Føroyum er farið at vaksa aftur, er støðan tann øvugta í Grønlandi. Sambært hagstovuni í Grønlandi vera við hetta lag 3.000 færri fólk enn nú í Grønlandi í 2040.

Samstundis hækkar miðalaldurin hjá teimum, sum búgva í landinum, 2,7 ár upp í 38,1 ár. Framskrivingarnar siga eisini, at í 2040 vera dupult so nógv fólk sum nú eldri enn 70 ár.

Tann 1.januar í ár búðu 55.847 fólk í Grønlandi, 137 færri enn 1. januar í fjør. Fólkatalið nú er tað minsta í 20 ár. Fráflyting er orsøkin til, at fólkatalið minkar.