Danska fólkakirkjan stórt yvirskot

Tá avtornaði var yvirskotið 452 milliónir krónur. Bæði í Danska Fólkaflokkinum og í Eindarlistanum halda framsøgufólkini í kirkjumálum, at kirkjan krevur ov nógv inn.

- Eftir okkara tykki eigur kirkjuskatturin at lækka, sigur Christian Langballe, framsøgumaður fyri Danska Fólkaflokkin

- Inntøkurnar hjá fólkakirkjuni eru øktar og øktar síðstu árini, uttan at kirkjan hevur fingið fleiri uppgávur at røkja, tí eigur yvirskotið hjá kirkjuni at vera eitt høvi at lækka skattin, sigur Pelle Dragsted, framsøgumaður fyri Eindarlistan.

Ráðharrin vónar, skatturin lækkar

Í Danmark eru tað í størstan mun sóknirnar og próvstadømini, sum áseta kirkjuskattin. Harafturat fer ein partur av kirkjuskattinum í statskassan.

Bertel Haarder, kirkjumálaráðharri, sigur seg somuleiðis vóna, at yvirskotið hjá fólkakirkjuni kemur borgarunum til góðar.

- Vónandi lækkar skatturin. Tað hava vit tørv á, nógvastaðni kring landið, sigur Haarder við danska kringvarpið, DR.