Óvist hví egyptiskt flogfar er horvið

Tað er framvegis ógreitt, hví eitt flogfar hjá EgyptAir sendi út neyðarkall. Egyptaland og Frakland eru farin at samstarva um, so skjótt sum møguligt at fáa greiðu á, hví flogfarið í nátt hvarv á veg úr París til Kairo.

Hildið verður, at flogfarið er dottið í havið, og tí eru bjargingarfeløg úr Egyptalandi, Grikkalandi og Fraklandi farin at leita eftir flogfarinum.

66 ferðafólk vóru við flogfarinum, tey vóru úr 12 londum, harav 15 úr Fraklandi. Flogfarið fór úr París um ellivutíðina í gjárkvøldið, og stutt fyri klokkan trý í nátt hvarv flogfarið.

Greinin heldur fram niðanfyri

Latest on Egypt plane: France offers to send military planes and boats to help search for EgyptAir flight. https://t.co/0RFmR9M3uw

— The Associated Press (@AP) May 19, 2016

Tá hevði flogfarið flogið yvir Alpunum, Norðuritalia og Kroatia, og var yvir Miðalhavinum. Flogfarið varð komið inn í egyptiskt loftrúm, tá tað hvarv, upplýsa egyptisku myndugleikarnir.

Myndugleikarnir upplýsa, at tað vóru grikskir flogleiðarar sum kunnaðu um støðuna, eftir at flogfarið var horvið av teirra radara.

Flogfarið hevði bert hálvan tíma eftir til Kairo. Flogfarið, sum var av slagnum Airbus 320-232, og varð bygt í 2003.