Toran gingið í París og í týska býnum Hoppstädten

Fleiri børn hava fingið mein, eftir at toran sló niður í eini park í París í Fraklandi í gjár, har børnini spældu. 11 børn eru løstaði - seks teirra álvarsliga, skrivar franska blaðið Le Figaro, sambært Ritzau. Børnini vóru í parkini til ein barnaføðingardag, tá toran sló.

Eisini í Týsklandi, gjørdi toran álvarsligan skaða í gjár, tá hon sló niður í ein fóbóltsvøll undir einum dysti millum tvey ungdómslið í býnum Hoppstädten. Har fingu fleiri av leikarunum og áskoðarunum mein av toruni. 35 fólk vórðu flutt á sjúkrahúsið. Týskir miðlar skriva, at toran sló beint niður í dómaran. Ein áskoðari hevur fingið mynd av støðuni, tá dómarin verður raktur.

Tað var hvørki regn ella myrk skýggj á himlinum, tá toran sló.