- Tíðindi, mentan og ítróttur
Maður deyður í arbeiðsvanlukku
Maður deyður í arbeiðsvanlukku
Ein arbeiðsvanlukka hjá skipasmiðjuni MEST á Skála hevur í morgun kravt eitt lív. Avvarðandi hjá manninum eru kunnað
Ein maður, fyrst í 40-árunum, er í morgun deyður í eini arbeiðsvanlukku á skipasmiðjuni á Skála
31.05.2016 - 11:33
Ein arbeiðsvanlukka á skipasmiðjuni á Skála fyrrapartin hevur kravt eitt mannalív. Klokkan hálvgum tíggju fekk alarmsentralurin fráboðan um arbeiðsvanlukkuna.
Talan var um ein spreinging á arbeiðsplássinum, sigur vakthavandi, sum enn ikki kann nágreina, hvat er áfatt. Løgreglufólk, sjúkrabilur og lækni vórðu boðsend.
Kreppuhjálp sett í verk
Læknin staðfesti, at maðurin hevði latið lív. Maðurin, sum var fyrst í 40-árunum, arbeiddi á skipasmiðjuni.
Hann var í ferð við at sandblása, tá hann fekk lokið á sandkompressaranum í høvdið. Nú verður kreppuhjálp sett í verk.
Arbeiðseftirlitið er á vanlukkustaðnum, sigur vakthavandi á politistøðini í Havn.
Er kopiera
Nýggjastu sendingar í ÚV
Nýggjastu sendingar í SV
