- Tíðindi, mentan og ítróttur
Bjargingarlið funnið svartan kassa
Bjargingarlið funnið svartan kassa
Ein lítil kavbátur hevur bjargað útgerð, ið kann verða týdningarmikil í arbeiðnum at loysa gátuna, hví Egypt Air-flogfarið datt niður
Egyptisku bjargingarliðini upplýsa, at ein lítil kavbátur tók svarta kassan upp úr flogvrakinum. Myndin varð tikin fyrst í juni, tá bjargingarlið leitaðu eftir vrakinum á eini avmarkaðari leið
17.06.2016 - 08:38
Egyptisku bjargingarliðini upplýsa, at ein lítil kavbátur tók svarta kassan upp úr flogvrakinum, skrivar tíðindastovan Reuters.
Fyri 14 døgum síðani vórðu ljóð staðfest úr øðrum av svørtu kassunum. Dýpið, har leitað hevur verið eftir flogfarinum millum griksku oynna Kreta og norðara part av egyptisku strondini, er tríggjar kilometrar.
Ov tíðliga at gera niðurstøðu
Øll 66 fólkini, sum vóru við flogfarinum, doyðu. Flogfarið var á veg úr París til Kairo hósnáttina 19. mai, tá tað datt niður.
Tey, sum kanna málið, siga, enn er ov tíðliga at koma við eini niðurstøðu um vanlukkuna, men møguleikin fyri eini yvirgangsatsókn er ikki útihýstur.
Svarti kassin tekur upp ljóð og skrásetir samrøður í stýrihúsinum á flogfarinum.
Er kopiera
Nýggjastu sendingar í ÚV
Nýggjastu sendingar í SV
