Minst 36 fólk latið lív í álopi

36 fólk lógu eftir á og minst 147 vórðu særd týskvøldið, tá tríggir menn søktu at lufthavnini Atatürk, ið er tann størsta floghavnin í Turkalandi.

Eftir hendingina varð floghavnin stongd, og flogfør fingu boð um at flúgva til aðrar lufthavnir, samstundis sum allar fráferðir í Atatürk-floghavnini vórðu avlýstar.

Greinin heldur fram niðanfyri

Suspected IS group extremists hit the international terminal of Istanbul's Ataturk airport, killing at least 36. https://t.co/aC8vC7ARiX

— The Associated Press (@AP) June 29, 2016

Enn er ikki greitt, hvør skipaði fyri álopinum. Men turkiski forsætisráðharrin sigur, at tekin eru um, at Islamskur Statur skipaði fyri álopinum.

Einki er upplýst um, hvørjir teir tríggir menninir eru, sum framdu álopið týskvøldið. Atatürk-floghavnin er tann triðstørsta í Evropa.

Bara Heatrow-floghavnin í London og Charles de Gaulle-floghavnin í Paris eru størri. 60 milliónir fólk ferðast um turkisku floghavnina um árið.