Meginparturin av teimum dripnu børn

Meginparturin av teimum, sum lótu lív í eini sjálvmorðsbumbuatsókn í suðurturkiska býnum, Gaziantep, leygarkvøldið, vóru børn.

Til samans vóru 29, av teimum nú 54 deyðu í kjalarvørrinum á atsóknini, børn undir 18 ár, skriva fjølmiðlar sambært bretska kringvarpinum, BBC.

Erdogan: Bumbumaðurin bara 12-14 ár

Tað var leygarkvøldið, at ein atsókn í Suðurturkalandi kravdi 54 mannalív, tá fólk vóru komin saman til brúdleyp í suðurturkiska býnum, Gaziantep.

Tað var ein 12-14 ára gamal drongur, ið hevði sjálvmorðsbumbuna á sær, ið kravdi 50 lív í Suðurturkalandi um vikuskiftið, sigur forsetin í landinum, Erdogan.

Eingin hevur átikið sær skyldina av leygarkvøldið, heldur ikki Islamskur Statur. Býurin, Gaziantep, er umleið 60 kilometrar sunnan fyri sýriska markið.