Gáta um spreinging í Brússel

Eingin fekk skaða, tá ein spreinging var í belgiska høvuðsstaðnum í nátt. Óvissa valdar spreingingina

Enn er óvist, hví ein spreinging var í einum bygningi í Belgia í nátt. Talan er ikki um yvirgang, siga sigur ein belgiskur fjølmiðil

Mynd: AP

Bjarni Mohr

29.08.2016 - 09:38

Ein spreinging var í nátt við kriminologiska stovnin í belgiska høvuðsstaðnum, Brússel. Eingin fekk skaða í spreingingini, skrivar RTL-sjónvarpsstøðin.

Í løtuni er ikki greitt, hví spreingingin var í nátt ella hvør hevur ábyrgdina fyri henni. Talan var í øllum førum ikki um yvirgang sambært deredactie.be

Greinin heldur fram niðanfyri

BREAKING: Belgian media reports blast outside criminology institute, no reports of injuries. https://t.co/CfTNeI69rd
— The Associated Press (@AP) August 29, 2016

DNA-goymsla er í kriminilogiska instituttinum, har spreingingin var. Prógv, sum løgreglan brúkar í rættarmálum, verða millum annað goymd í bygninginum.

Tvey fólk eru handtikin eftir spreingingina í nátt, skriva fjølmiðlar. Men tey tíðindini vil almenni ákærin í Brússel hvørki vátta ella avsanna.

Tilbúgvingin í Belgia er framvegis á høgum stigi eftir yvirgangsatsóknina í eini floghavn í Brússel og undirgrundini fyri skjótt hálvum ári síðan. 32 fólk lótu lív í atsóknini í mars.