50 fráboðanir um skaða

Átta trampolinir, sum eru farnar á flog, trý stilladsir, sum eru fokin og 10 húsaskaðar.

Hetta eru nakrar av fráboðanunum, sum løgreglan hevur fingið í nátt um vindskaðar. 

- Tað er alt frá tekjum, sum eru við at ríva, takplátur, sum eru farnar á flog, og ein húsaklæðningur, sum eru loysnaður, sigur Kristjan Martin Joensen frá løgreglustøðini. 

Fráboðanir er komnar úr Tórshavn, Klaksvík, Saltangará, Syðrugøtu, Hvalba og Porkeri.

Seinastu veðurmátingarnar hjá Landsverkið í morgum vísa upp í 44 metrar í sekundi á Velbastaðhálsi, upp í 43 metrar í sekundi við Gjárskarð, 39 metrar í sekundi við Øðraskarð og upp í 48 metrar í sekundi við Norðadalsskarð.