Rópa varskó um krígsbrotsverk

Tað siga fleiri europeisk lond og USA, eftir at ST í skundi varð kallað saman í gjárkvøldið at umrøða støðuna í Sýria.

Síðani hósdagin hava russisk flogfør uttan íhald bumbað mál í Aleppo, samstundis sum sýriski stjórnarherurin hevur sett sær fyri at reka allar uppreistrardeildir úr býnum.

Sendiharri trýr ikki uppá vápnahvíld

Bara í gjár lógu minst 25 sivilfólk eftirá, og hildið verður, at minst 125 fólk hava latið lív í ógvusligu atsóknunum um vikuskiftið.

Russiski ST sendiharrin segði undan fundinum, at líkt er ikki til at ein vápnahvíld kann fáast í lag í Aleppo. Eftir at ein vápnahvíld í farnu viku var brotin, hava russisk flogfør í stórum tali søkt at málum í Aleppo.

Ósemjan ímillum stórveldini, USA og Rusland er nú so riong, sum hon ikki hevur verið í fleiri áratíggju. Samstundis hava fleiri europeisk lond skuldsett Rusland fyri kríksbrotsverk í sýriska býnum.