Jarðskjálvti í Filipsoyggjum kravt í minsta lagi 32 mannalív

Talið á deyðum eftir harða jarðskjálvtan í Filipsoyggjum í morgun er nú í minsta lagi 32, og fleiri enn 200 fólk eru løstað.

Haraftrat eru fleiri ikki komin afturíaftur, skrivar tíðindastovan AP.

Jarðskjálvtin, sum var mátaður til 7,8 á Ricther-stiganum, rakti oynna Mindanao, og ávarað var um flóðaldu.

Nógvir bygningar hava eisini fingið skaða. 

Hetta er harðasti jarðskjálvti í Filipsoyggjum í ár, sigur stjórin á stovninum fyri gosfjallafrøði og seismologi.

Stovnurin hevur ávarað um eftirskjálvtar, og hevur mælt fólki frá at fara aftur til hús fyribils.