Túsundtals rikin av gøtuni

Fleiri túsund gestaarbeiðarar, ið síðstu vikurnar hava hildið til í gøtunum í París, verða í løtuni riknir burtur

600 løgreglufólk reka í dag túsundtals gestaarbeiðarar av gøtuni norðarlaga í París til tryggari umstøður á móttøkustøðum í landspartinum

Mynd: AP

Bjarni Mohr

04.11.2016 - 11:33

Fronsku myndugleikarnir byrjaðu í lýsingini í morgun at rudda leguna, túsundtals gestaarbeiðarar høvdu gjørt norðarlaga í París.

Minst 2.500 gestaarbeiðarar verða í dag settir í bussar, og síðani sendir til skipað móttøkustøð ymsa staðni í landspartinum.

Greinin heldur fram niðanfyri

Police start evacuating Paris migrant camp on heels of Calais closure https://t.co/p3gxfzeMkS pic.twitter.com/egV6nVSKhL
— Reuters Top News (@Reuters) 4. november 2016

- Tað er avgerandi, at fólkini hava tað trygt. Tí senda vit tey til móttøkustøð, sigur ein talsmaður hjá løgregluni við franska blaðið, Le Monde.

Gomul tjøld, , klæðir, skógvar og flytikassar, ið hava verið brúktir at liggja á, liggja slødd á gøtuni, har túsundtals gestaarbeiðarar hava hildið til.

Tilsamans 600 løgreglufólk eru sett til at rudda gøturnar í París í dag. Uppruddingin verður væntandi liðug í dag, siga fronsku myndugleikarnir.