Togaðu bát til lands

Ein maður umborð á einum glastrevjabáti ringdi hálvgum tíggju í morgun til MRCC Tórshavn, tí hann hevði fingið ein enda um skrúvuna.

Tað eydnaðist ikki manninum, sum var einsamallur umborð á glastrevjabátinum, so hann mátti ringja til MRCC og biðja um hjálp.

Brimil var tá staddur vestanfyri, so tað var skjótt at sigla út til glastrevjabátin, ið var staddur fimm fjórðingar vestur úr Trøllhøvda.

Vaktar- og bjargingarskipið kom á Miðvág við bátinum klokkan hálvgum eitt í dag, upplýsir vakthavandi á MRCC Tórshavn.