Frágreiðing: Óljóðið má dempast

Tað stendur í frágreiðing hjá SEV, sum hevur kannað, hvørji árin, útbyggingin á Sundi fer at hava á umhvørvið á Sundi og við Kaldbaksfjørð. 

Samanumtikið er niðurstøðan, at útbyggingin á Sundsverkinum hjá SEV hevur avmarkaða ávirkan á nærumhvørvið.

Tó verður óljóðið eftir útbyggingina størri enn loyvda markvirðið eftir klokkan tíggju um kvøldið til klokkan sjey um morgunin.

Markið er 35 desibel A, ið er mátieind fyri ljóðstyrki. Óljóðið frá verkunum verður 39 desibel A í Kaldbak. Tí verður neyðugt at bjálva verandi verk, stendur í niðurstøðuni.