Koma á Skála í morgun

Seinnapartin í gjár endaðist at fáa ein enda á Vesturland, og um trý tíðina í gjár varð farið at toga skipið til lands.

Líkindi at toga hava verið góð, verður sagt av Brimli í morgun. Eldurin er sløktur, men tó hava onkrar glóðir verið at sæð.

Vesturland var staddur á Føroyabanka, tá eldur kom í skipið um middagsleitið leygardagin. 

SÍ EISINI Illa rakt av eldsbrunum

Einki skip var nærindis, og tað vóru vánalig líkindi hjá tyrluni at fara úr Vágum. Tað tók tyrluni einar 40 minuttir at flúgva til Vesturland. 

Øll manningin, 10 mans, varð fingin upp í tyrluna í øllum góðum. Hon fleyg til Havnar og setti manningina av við Landssjúkrahúsið, tí onkur hevði fingið royk í seg. 

Brimil og Vædderen vóru hjá Vesturlandi í gjáranáttina. Seinnapartin í gjár eydnaðist at seta fast á Vesturland, og Brimil verður á Skála við skipinum um átta ella hálvgum níggju tíðina í morgun.