Horvni vøruvognurin funnin

Politiið fekk í gjármorgunin at vita frá einum manni, at hann helt seg hava sæð okkurt, sum helst var ein bilur, søkka einar hálvthundrað metrar úr bryggjuni í Miðvági sunnumorgunin. 

Bjargingarbáturin Sverri og kavarar vórðu sendir at leita, og í gjárkvøldið varð bilurin tikin upp á turt. Hann verður nú turkaður, og síðani fer politiið at kanna bilin.

Sambært politinum er eingin ábending um, at nakar var í bilinum, tá hann fór á sjógv. Politiið fekk fráboðan á middegi sunnudagin um bilin, sum var horvin úr Vesturbýnum í Havn.