Landsstýrismaður hartar reiðarí

Grønlendski landsstýrismaðurin í fiskivinnumálum, Hans Enoksen, finst nú at almenna reiðarínum, Royal Greenland, tí eftir hansara tykki manna ov fáir grønlendingar trolararnar hjá felagnum.

Hans Enoksen vísir á, at reiðaríið Sikuaq Trawl, sum millum annað eigur nýggja trolaran Svend C, hevur ongar trupulleikar at manna skipini við grønlendingum, bæði yvirmenn og dekkarar.

- Hví kann eitt reiðarí, sum tað almenna eigur, ikki lyfta hesa uppgávu eins væl og Svend C, spyr Hans Enoksen, og sipar til Royal Greenland.

Reiðarí svarar ikki atfinningum

Gongur tað so illa at manna trolararnar við grønlendingum, eiga sjómansskúlarnir at verða styrktir, so færri útlendingar sum frálíður manna skipini.

Tað sigur grønlendski landsstýrismaðurin í fiskivinnumálum sigur í einum tíðindaskrivi, sum er sent grønlendskum miðlum

Royal Greenland sigur við Sermitsiaq, at felagið heldur manningarlógina út í sær, og hevur ikki fleiri viðmerkingar til málið.