Dømdir fyri ecstasy-smugling

Føroya rættur hevur dømt tveir menn ávikavist átta og 14 mánaðar fongsulsrevsing fyri at smugla ecstasy-tablettir. Tað skrivar TAKS á Facebook.

TAKS skrivar, at talan var um 77 og eitt hálvt gramm av rúsevninum, og revsingin fyri tað er hørð í Føroyum.

Menninir, sum eru dømdir, skuldu hava brævið við tablettunum, ið varð sent til ein bústað í Føroyum, men ein tollari hjá TAKS fann brævið á posthúsinum í Havn.

TAKS sigur, at tablettirnar høvdu kunnað verið seldar fyri góðar 200.000 krónur á svarta marknaðinum.