Álitið í íslendsku fiskivinnuni byggjast uppaftur

Hetta álitið má nú byggjast uppaftur. Tað segði íslendski fiskimálaráðharrin, Þorgerður Katrín Gunnarsdóttir, á ráðstevnuni North Atlantic Seafood Forum í Bergen í gjár.

Fiskeribladet skrivar, at íslendski ráðharrin segði, at støðugar atfinningar eru móti reiðarum um, at teir ikki lata samfelagnum nóg nógv aftur.

Hon segði, at myndugleikarnir ætla at gera kvotuskipanina meira gjøgnumskygda, so opinleikin verður størri um, hvussu virðini í fiskivinnuni verða býtt.

Forða fyri verkføllum í framtíðini

Í januar, tá verkfallið var, fiskaðu íslendingar bara tíggjunda part av tí, sum varð fiskað í januar í fjør. Hetta skaðar eisini álitið millum fiskaseljarar og keyparar uttanlands.

Þorgerður Katrín Gunnarsdóttir segði, at endamálið er nú at forða fyri slíkum verkføllum í framtíðini. Tað verður gjørt við nýggjum samráðingarhátti. Annars segði íslendski ráðharrin, at fiskivinnan í landi hennara hevur sera góðan byr.

Reiðarar gjalda stórar hýrur og nógvan skatt, hóast nøkur halda, at teir eiga at gjalda meira, og stóru feløgini í fiskivinnuni hava framúr góð úrslit. Harafturat er toskastovnurin tann størsti í 60 ár.