Bileigarar skulu fíggja ókeypis koyring

Tá Vágatunnilin skal latast landinum tann 1. mai í ár, og gjaldið fyri at brúka hann verður strikað, skal vektgjaldið hækka tvey prosent og seks oyru leggjast oman á bensprísin og seks oyru á dielselprísin.

Hetta skal geva landskassanum 4,8 milliónir krónur. Samstundis sparir landið tríggjar milliónir krónur í umsiting, tí P/f Vágatunnilin verður strikað. Hesar milliónir skulu brúkast til at reka Vágatunnilin fyri.

Næsta ár, tann 1.mai, skal júst sama mannagongd brúkast í sambandi við Norðoyatunnilin. Tá verða somu príshækkingar og sama umsitingarsparing brúktar til at fíggja raksturin hjá Norðoyatunlinum.

Samantikið hækkar vektgaldið fýra prosent, og 12 oyru koma afturat prísinum á bensini og dieseli, og tað er sambært uppskotinum hjá Sambandsflokkinum, sum skal hava fyrstu viðgerð týsdagin.