Franski forsetin valdur í dag

Fraklendingar skulu í dag velja forseta. Valið stendur millum høgravendu Marine Le Pen, sum er atfinningarsom mótvegis ES og tilflytarum, og Emmanuel Macron, sum liggur á miðjuni í politiska ásanum og er fyri ES.

Allar meiningakanningar siga, at Emmanuel Macron verður forseti í Fraklandi.

Men ymiskar umstøður kunnu ávirka valúrslitið. 

Eitt nú hava fleiri yvirgangsálop verið í Fraklandi seinnu árini, og fleiri vænta, at hetta kann ávirka vallutøkuna.

Eitt annað, ið kann ávirka valúrslitið, er hendingin fríggjadagin, tá fólk, ið starvast hjá Macron í valstríðnum, sendu fleiri innanhýsis skjøl og fílur á netinum.

Fílurnar vórðu stolnar av teldusníkum og vórðu, sambært fólkunum í leguni hjá Macron, blandaðar saman við følskum upplýsingum og lagdar út á netið.