Átta deyð: Fótbóltsdystur endaði í sorgarleiki

Vanlukkan hendi á áskoðaraplássunum á leikvøllinum í høvuðsstaðnum Dakar , tá áskoðarar hjá  liðunum Stade de Mbour og Union Sportive Ouakam brustu saman beint aftaná dystarlok.

Løgreglan royndi at steðga bardaganum við táragassi, men panikkur kom í stóru mannafjøldina og trýstið frá mongu áskoðarunum gjørdi, at ein betongveggur datt omaná fólk. 

Val skal eftir ætlan vera í Senegal 30. juli. Valið er longu útsett einaferð, og skuldi upprunaliga vera 2. juli. Sambært BBC hevur forsetin  boðað frá, at dagurin í dag er sorgardagur og at eingin eigur at reka valstríð í dag.