- Tíðindi, mentan og ítróttur
Kris Kristofferson ákærdur fyri at smugla rúsevni
"On the Sunday morning sidewalks, wishin' Lord, that I was stoned", syngur 81-ára gamli Kris Kristoffersen í sanginum "Sunday Mornin' Comin' Down".
Og ja, kanska hann hugsaði nakað tað sama, tá ið hann í fjør varð handtikin á flogvøllinum Vágunum, fyri at hava rúsevni uppi á sær.
Málið verður viðgjørt í rættinum mánadagin 14. august.
Útvarpið veit enn ikki at siga, hvørji rúsevni talan var um og í hvørjari nøgd.
Kris Kristofferson, sum er millum heimsins kendastu kountry-sangarar, var í Føroyum í fjør í samband við eina konsert í Norðurlandahúsinum 1. september.
Ameikanska kontrylegendan var aftur í Føroyum í ár og spældi á G! festivalinum.
Dámar at roykja feitar
Kris Kristofferson, sum er føddur í Texas, hevur leingi verið opin um sín tokka til kannabis. Tónleikamiðilin Rolling Stone spurdi hann í fjør, um marijuna ikki mann hava ringa ávirkan á minnið hjá honum.
Hann svaraði bersøgin: "Um tað ger, so er tað bara spell. Eg leggi ikki av. Eg eri vísur í, at tað seinkar meg og hevur við sær, at eg ikki eri kvikasti persónurin í rúminum, men eg fari allarhelst at roykja til eg fari undir grønutorvu."
Kris Kristofferson var upprunaliga hildin at hava alheimerz- ella demens. Rolling Stone visti eisini í fjør at siga, at talan í roynd og veru var um sjúkuna lyme borreliosis, sum skyldast biti frá skógarmottum.
Umframt at vera tónleikari og sangskrivari, hevur Kristofferson eisini fingist við sjónleik.