Krevur fongsul í tvey ár og meira fyri eldáseting

Ákæruvaldið krevur, at tann 30 ára gamli maðurin, sum er ákærdur fyri at seta eld á AA húsið við Tinghúsvegin í Havn 20.juli í fjør, fær tvey ára fongsulsrevsing.

Hin ákærdi maðurin, sum er 27 ára gamal, eigur at fáa tvey ár og tríggjar mánaðir í fongsli.

Hjá báðum monnunum eru gamlir dómar tiknir við í kravið hjá ákæranum.

Endurgjald

Tann yngri maðurin er eina ferð dømdur fyri eldáseting, tí er kravið um dóm til hansara nakað størri.

Teir eru eisini kravdir eftir endurgjaldi frá tryggingini fyri hús og innbúgv. Kravið er ein millión og 685.000 kr. 

Menninir nokta seg sekar, og verjarnir kravdu frídøming.

Teir vístu eisini endurgjaldskravinum aftur, tí tað er ikki skjalprógvað.

Dómur verður sagdur næsta týsdag á middegi.