Heilsumálaráðharrin hjá Trump farin frá

Amerikanski heilsumálaráðharrin, Tom Price, er farin úr embætinum. Orsøkin er eftir øllum at døma tí hann hevur brúkt ov nógvar pengar upp á at leiga dýr flogfør.

Seinastu dagarnar hava tíðindi verið frammi um at Tom price leigaði dýr privat flogfør til almennar ferðir. netmiðilin Politico veit at siga, at price higartil í ár hevur leigað privatflogfar 26 ferðir, tá hann hevur skal hava verið á almennari ferð sum ráðharri. Hetta skal hava kostað meira enn 2,5 mió krónur.

Ivi er eisini sáddur um, um talan veruliga er um ferðir í almennum ørindum. Tí fleiri av ferðunum hjá ráðharranum hava verið til støð, har hann sjálvur hevur ognir og bygningar.

Men nú vátta so hvítu Húsini, at Tom Price er farin frá sum heilsumálaráðharri.