Landið leggur út og tekur pengarnar aftur

23.10.2017 - 12:57
AktueltPengar
Landið leggur út og tekur pengarnar aftur
Landið missir ikki pengarnar, tað leggur út fyri Vestmanna kommunu til VEKS. Pengarnir kunnu takast av kommunuskattinum
Vestmanna kommuna sigur, at hinar kommurnar í samstarvinum siga, at hon skal gjalda av nógv.
 

Landskassin missir ikki pengarnar, sum hann hevur lagt út fyri Vestmanna kommunu, so VEKS samstarvið fær allar sínar pengar.

Gjaldstovan hevur møguleikan at taka pengarnar, eina millión og 326.000 kr., frá kommununi, tí Gjaldstovan flytur kommununum kommunuskattin.

Durita Tausen, stjóri á Gjaldstovuni, váttar, at Gjaldstovan hevur flutt VEKS samstarvinum tað, sum Vestmanna kommunua ikki vildi rinda í fjør.

Tann leisturin er brúktur í sambandi við Norðoya Bú- og Heimatænastu. 

VEKS er samstarvið millum Vestmanna, Kvívík, Sunda kommunu og Eiði um eldraøkið og heimarøkt.

Vestmanna góðtekur ikki sín part

Men Vestmanna kommuna er ikki nøgd við rakstrarætlanina hjá samstarvinum og noktar at rinda allan sín part, tann partin, sum hinar kommunurnar siga, at Vestmanna skal rinda.

Í ár skal Vestmanna rinda eina millión og 262.000 kr. 

Men kommunan rindar bara eina millión og 44.000 kr.

Góð hálv triðja millión

Hetta merkir, at kommunan rindar 218.000 kr. minni um mánaðin enn hinar kommunurnar í samstarvinum siga, hennara partur er.

Tað blíva tvær milliónir og 616.000 kr. tilsamans í ár.

Fíggjarmálaráðið hevur givið Vestmanna kommunu boð um at rætta roknskapin fyri 2016, so øll útreiðslan til VEKS samstarvið verður bókað sum útreiðsla. 

Kommunan noktar. 

Landsstýrið hóttir bygdarráðslimirnar í Vestmanna við dagbótum. Tær eru tó ikki kravdar enn. 


 

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968