Dømdur fyri at selja cannabis-olju

Dómur er fallin í nógv umrødda málinum um cannabis-olju í Danmark. Dómurin fall í býarrættinum í Holbæk í gjár.

Ein stórur partur av fongsulsrevsingini - 12 mánaðir - er tó treytaður. Kona Claus Moffe Nielsen og tvey hjálparfólk fingu ávikavist seks og fimm mánaðir treytaða fongsulsrevsing.

Málið móti Claus Moffe Nielsen er higartil størsta málið í Danmark um ólógliga sølu av cannabis-olju. Hann er dømdur fyri at hava keypt 92 kilo av marjuana til at framleiða 6,7 litrar av cannabis-olju og 52.000 sjokuláta-bomm, sum hann hevur selt gjøgnum eina heimasíðu.

Tað er ólógligt at dyrka og selja cannabis í Danmark. Bara um tað verður ávíst av lækna, er tað lógligt.

Nógv fólk royna at fáa hendur á cannabis, tí tey meta hetta hava linnandi ávirkan á pínu og ymiskar sjúkur, millum annað sklerosu og krabbamein.