Bretland játtar at rinda fyri brexit

Keldur hava váttað fyri bretsku bløðunum, The Telegraph og Financial Times, at Bretland hevur játtað at rinda rokningina.

Bretland skal rinda fyri økispolitikkin, granskingarverkætlanir og ES-starvsfólk, sum hava fingið lyfti um pensjón. 

Tað er enn ógreitt, hvussu nógv tað fer at kostar. 

Rinda helvtina

Fyri at halda tíðarásettu skyldurnar, tá Bretland fer úr ES, hevur ES kravt 60 miljardir evrur, - slakar 450 miljardir krónur.  Stór ósemja hevur verið um hvørjar skyldur eru galdandi og hvørjar eru ikki, og ES hevur lagt fram langan lista uttan at áseta nakra upphædd. 

Seinni eru útrokningar gjørdar, og tá var úrslitið 100 miljónir evrur, - og tað er henda upphædd, sum The Telegraph og Financial Times nú skriva, at avtala er gjørd um at rinda hevtina av.

Sambært bløðunum hava ES og Bretland gjørt avtalu um, at Bretland skal rinda millum 45 og 55 miljardir evrur, - also millum 335 og slakar 410 miljardir krónur.

Ikki alt er avgreitt

Bretski forsætisráðharrin, Theresa May, tykist hava gingið meginpartinum av krøvunum frá ES á møti innan evstamarkið mánadagin, tá hon skal hitta ES-forsetan, Claud Juncker.

Tó eru borgararættindi og markið millum Írland og NorðurÍrland eftir at tosa um.