Jordan er ríkasta ítróttarfólkið

Amerikanski kurvabóltsspælarin, Michael Jordan, er tað ítróttarfólkið, ið hevur forvunnið mest pengar nakrantíð.

Tað vísir eitt yvirlit, sum amerikanska blaðið, Forbes, hevur gjørt.

Á listanum, sum vísir tey 25 ítróttarfólkini, ið hava fingið mest í løn, eru fyri tað mesta eldri og yngri ítróttarfólk í, ið spæla golf og kurvabólt. Í topp-10 eru tó eisini Formel 1 koyrarin Michael Schumacher, fótbóltsspælarin David Beckham og boksarin Floyd Mayweather at finna.

Sambært Forbes hevur Michael Jordan, ið gavst við kurvabóltinum í 2003, tilsamans forvunnið 11,7 milliardir krónur.

Yvirlitið er roknað út frá samlaðu lønini, viðbótum, vinningum, stuðulspengum og lisensgjaldingum, ið ítróttarfólkini hava fingið. Síðani er hetta umroknað til tað virðið, tað vildi verið í dag.

Listin við ítróttarstjørnunum sær soleiðis út:

1. Michael Jordan - 1,85 mia. $
2. Tiger Woods - 1,7 mia. $
3. Arnold Palmer - 1,4 mia. $
4. Jack Nicklaus - 1,2 mia. $
5. Michael Schumacher - 1 mia. $
6. Phil Mickelson - 815 mio. $
7. Kobe Bryant - 800 mio. $
8. David Beckham - 800 mio. $
9. Floyd Mayweather - 785 mio. $
10. Shaquille O'Neal - 735 mio. $
11. LeBron James - 730 mio. $
12. Christiano Ronaldo - 725 mio. $
13. Greg Norman - 705 mio. $
14. Mike Tyson - 700 mio. $
15. Roger Federer - 675 mio. $
16. Lionel Messi - 600 mio. $
17. Alex Rodriguez - 575 mio. $ (baseball)
18. Jeff Gordon - 525 mio. $ (racerkører)
19. Oscar De La Hoya - 520 mio. $
20. Manny Pacquiao - 510 mio. $
21. Derek Jeter - 490 mio. $ (baseball)
22. Peyton Manning - 480 mio. $
23. Kevin Garnett - 480 mio. $
24. Evander Holyfield - 475 mio. $
25. Andre Agassi - 470 mio. $