Yngri kvinnur sleppa í nýggju bretsku stjórnina

Bretski forsætisráðharrin, Theresa May, fer í morgin at umskipa stjórnina.

Bretskir miðlar gita, at endamálið við umskipanini er at fáa eina stjórn við breiðari, fólksligari undirtøku.

Tó verður ikki roknað við, at tyngstu ráðharrasessinir - tað eru uttanríkisráðharrin, fíggjarmálaráðharrin, innanríkisráðharrin og serligi ráðharrin fyri Brexit - verða skiftir út.

Konservativi flokkurin hjá Theresu May fekk ein frammaná á tjóðartingsvalinunum í fjørsummar, og tað var um reppið, at flokkurin misti valdið. 

Umskipanin av stjórnini skal vera ein roynd hjá May at styrkja Konservativa flokkin, meta bretskir miðlar.