Búskaparráðið: Pensjónsnýskipan er ikki nóg mikið

bannari
01.03.2018 - 10:00
AktueltPolitikkur
Búskaparráðið: Pensjónsnýskipan er ikki nóg mikið
Størsta einstaka avbjóðingin fyri føroyska samfelagsbúskapin er, at vaksandi talið á eldri borgarum fer at trýsta útreiðslurnar uppeftir
 

Størsta einstaka avbjóðingin fyri føroyska samfelagsbúskapin er - enn sum áður, at vaksandi talið á eldri borgarum fer at trýsta útreiðslurnar í heilsuverkinum og eldrarøktini uppeftir. Og pensjónsnýskipan einsamøll loysir ikki allan trupulleikan.

Tað sigur Búskaparráðið, sum klokkan 10 legði sína Búskaparfrágreiðing fyri 2018 fram.

Ráðið ávarar politiska myndugleikan um at lata seg misleiða av núverandi "góðu tíðunum, stóra arbeiðsvirkninum ella vøkstrinum í fólkatalinum". Tí sonevndu góðu tíðirnar nú, loysa ikki demografiska haldføristrupulleikan, sigur Búskaparráðið.

Hetta er sama ávaring, sum Búskaparráðið er komið við í mongum frágreiðingum: at vit gerast alsamt fleiri eldri, sum ikki arbeiða og rinda skatt, men sum krevja røkt og viðgerð. 

Pensjónsnýskipanin er ikki nokk

- Búskaparráðið hevur ongantíð mett, at ein pensiónsnýskipan sum einsamalt tiltak, kann loysa allan haldføristrupulleikan. Tí eru aðrar nýskipanir, ið geva sítt íkast til inntøkurnar hjá tí almenna, neyðugar, um haldføristrupulleikin skal loysast, stendur í frágreiðingini.

Nýskipan ella ei, mongu pensjónistarnir fara ikki gjøgnum sín skatt og avgjøld at kunna fíggja vaksandi útreiðslurnar í eldra- og heilsurøktini, er boðskapurin.

Tíðirnar eru góðar nú, men ráðið metir seg ikki hava gjørt ov nógv av, tá tað snýr seg um haldførisavbjóðingina og tørvin á nýskipanum, stendur í niðurstøðuni hjá Búskaparráðnum.

Les alla frágreiðingina her

 
Nýggjastu sendingar í ÚV
Fríggjadag 17. januar
Tríggir popparar hittast (2:3)
103496
Fríggjadag 17. januar
Pressan: Framtíðin er her
103479
Fríggjadag 17. januar
Góðan morgun Føroyar, 17. januar 2020
103473
Fríggjadag 17. januar
Morgunlesturin fríggjamorgunin 17. januar 2020
102994
Hósdag 16. januar
Øssur Olsen er gestur í Dansivali
103451
Nýggjastu sendingar í SV
Hósdag 16. januar
Nóllywood (2:2)
103104
Mikudag 15. januar
Mentanarvirðislønir landsins 2019
103404
Mánadag 13. januar
3-2
103292
Sunnudag 12. januar
Guðstænasta í Vestmanna kirkju
103233