Róðrargrunnur Føroya endurreistur eftir ár í dvala

Róðrargrunnur Føroya endurreistur eftir ár í dvala
Hetta er hent, eftir at løgtingið á fíggjarlógini fyri 2018 játtaði 100.000 kr. til at byggja kappróðrarbátar.
Stýrið fyri Róðrargrunn Føroya
Mynd: Jógvan Svabo Samuelsen  
 
10.03.2018 - 15:30

Róðrargrunnur Føroya, sum í fleiri ár hevur ligið í dvala, er nú endurreistur við nýggjum stýri.

Róðrargrunnur Føroya varð stovnaður 15. august í 1970, tí róðrarfólk kring landið vildu styðja upp undir kappróðurin sum tjóðarítrótt føroyinga. Í grein 3 í viðtøkunum stendur: ”Rætt til studning úr grunninum hava øll føroysk róðrarfeløg við teirri ætlan at gera nýggjan róðrarbát, róðrarhús og róðrarhyl.” Haraftrat stendur í viðtøkunum, at studningur eisini kann latast til skúlaróður og til útgávu av einari føroyskari róðrarsøgu. 

Sambært viðtøkunum skulu seks limir stjórna Róðrargrunni Føroya. Hesar limir skuldu Føroya landsstýri, Ítróttasamband Føroya, Føroya Lærarafelag, Føroya Sjómansskúli, Føroya Blaðmannafelag og Kvinnufelagið upprunaliga tilnevna. Føroya Sjómansskúli er í dag Vinnuháskúlin, og Føroya Blaðmannafelag er Føroysk Miðlafólk. Í Ítróttasambandi Føroya varðar Róðrarsamband Føroya av kappróðrinum. Nevndu feløg og stovnar hava tilnevnt hvør sín lim í nýggja stýrið, sum hevði sín fyrsta fund í Tinganesi 14. februar. Har skipaði stýrið seg soleiðis: Sigga Vang, forkvinna, Vinnuháskúlin, Jan Herman Hansen, næstformaður, Róðrarsamband Føroya, Flóvin Eidesgaard, kassameistari, Føroya landsstýri, Jacob Eli Olsen, skrivari, Føroya Lærarafelag, Anna Rein, Kvinnufelagið, Uni Arge, Føroysk Miðlafólk.

Freistin at lata grunninum umsókn verður 25. apríl.

Er kopiera
Nýggjastu sendingar í ÚV
Leygardag 20. apríl
Vikan 20.apríl 2024
173982
Leygardag 20. apríl
Morgunlestur leygardagur 20. apríl 2024
173397
Fríggjadag 19. apríl
Vikuskiftið 19 apríl 2024
173966
Fríggjadag 19. apríl
Breddin: Ov nógv børn verða send av landinum
173951
Fríggjadag 19. apríl
Góðan morgun Føroyar
173942
Nýggjastu sendingar í SV
Fríggjadag 19. apríl
Veðrið
173964
Fríggjadag 19. apríl
Dagur og vika - teknmálstulkað
173933
Hósdag 18. apríl
Mett fyri minni (3:3)
173887