Fótbóltsdreingirnir bjargaðir

Teir 12 fótbóltsdreingirnir og venjari teirra eru nú bjargaðir úr Tham Luang-hellinum, har teir síðani 23. juni hava sitið avbyrgdir. 

Tað váttar teilendska serdeidin Thai navy Seals.

Nú eru bert ein serlækni og fýra kavarar eftir í hellinum, hesi hava skipað bjargingararbeiðið.

25 ára gamli venjarin og dreingirnir eru fluttir á sjúkrahús í Chiang Rai.

Har verða teir undir læknahond næstu dagarnar, tí teir kunnu hava fingið bruna ella aðra smittandi sjúku í hellinum. 

Úrslitini frá læknakanningunum verða helst klár í morgin ella ovurmorgin.