Trolari fiskaði ólógliga vestanfyri

13.07.2018 - 11:15
Aktuelt112
Trolari fiskaði ólógliga vestanfyri
Í gjárkvøldið tók Vørn hetlendska trolaran, Venture, fyri at fiska ólógliga í stongdum kassa vestanfyri.
Tjaldrið, sum seint í gjár tók hetlendska trolaran fyri at fiska í stongdum kassa, kom á Havnina í nátt.
Mynd: Savnsmynd  
 

Í gjárkvøldið tók Tjaldrið hetlendska trolaran, Venture, fyri at fiska ólógliga í stongdum kassa vestanfyri. Tað skrivar in.fo.

Við Kringvarpið sigur Ellindur Abrahamsen, skipari á Tjaldrinum, at teir komu fram á trolaran, meðan hann fiskaði. Hann varð tikin 28 fjórðingar úr landi, í høgan vestan úr Mykinesi.

Skiparin fór beinanvegin at draga trolið inn, uttan at Tjaldrið hevði biðið um tað. 

Fólk frá Tjaldrinum fóru umborð og kannaðu málið og kundu staðfesta, at her var ikki alt í lagi. Hetlendski skiparin segði, at hann visti ikki, at kassin var stongdur. 

Sambært Ellinti Abrahamsen hevur kassin verið stongdur í fleiri ár, og tí kann bert sigast, at hetlendingurin hevur fylgt ov illa við.

Venture kom á fiskileið fyrradagin, og hevði tí lítið í lastini. 

Tjaldrið kom inn á Havnina við trolaranum um fýratíðina í nátt. 

Metingarmenn eru í løtuni umborð á trolaranum og meta um virðið á veiðini. 

Skiparin játtar seg sekan. Vaktleiðarin á løgreglustøðini, Heri Andreasen sigur, at málið kann verða avgreitt við bót.

Er kopiera
Nýggjastu sendingar í ÚV
Mikudag 26. januar
Góðan morgun Føroyar 26.01.2022
134611
Mikudag 26. januar
Morgunlestur mikudagur 26.januar 2022
133937
Týsdag 25. januar
LEITISSTEIN 25.01.2022 (Petur Háberg)
134596
Týsdag 25. januar
Óhoyrt 20: Fríði X Ayphin
134580
Týsdag 25. januar
Tey føroysku málførini I
134565
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249