Forsorgarlógin lagast til føroysk viðurskifti

Uppskotið um vælferðarlógina er sent til hoyringar. Tað sæst í tíðindaskrivi frá Almannamálaráðnum.

Forsorgarlógin, sum er ein hornasteinur í føroyskari vælferð og føroyskum sosialpolitikki, er upprunaliga ein donsk lóg frá 1960’unum, og hóast hon er dagførd og pjøssað upp á í fleiri umførum, er forsorgarlógin ikki í nóg stóran mun eitt hóskandi amboð í einum framkomnum føroyskum samfelagi, sigur Almannamálaráðið í tíðindaskrivi.

Talan er um uppskot til fimm lógir, sum eru partar av lógarpakkanum til nýggju vælferðarlógina, ið er send til hoyringar. 

Hoyringarfreistin er 14. september, og ætlanin er, at vælferðarlógin skal leggjast fyri Løgtingið seinni í ár, sæst í tíðindaskrivnum frá Almannamálaráðnum.