- Tíðindi, mentan og ítróttur
Nú ber til at søkja um listafólkalønir
Tríggjar listafólkalønir verða latnar í ár. Upphæddin á listafólkalønum svarar til læraraløn fólkaskúlans á lønarstigi 21.1. Tað svarar til knappar 28.000 krónur.
Listafólk kunnu ikki røkja annað fast starv, meðan tey fáa starvsløn, men tey kunnu hava inntøkur av teirra skapandi virksemi í 3 ára skeiðnum.
Faknevndir verða settar við tveimum umboðum fyri hvørja listagrein. Hesi skulu meta um listarligu dygdirnar á umsóknunum, og síðani gera tilmæli til grunnin at taka endaliga avgerð.
Seinasta freist at søkja er tann 2. september klokkan 23.59.
Umsóknin skal latast inn á talgilda umsóknarblað grunsins. Umsóknir, ið koma seinni enn ásetta tíðarskeið, verða ikki tiknar við í hesum umfari.
Til ber at fáa fleiri upplýsingar og ráðgeving við at venda sær til mentanargrunnin.