Asiatisku londini gera fríhandilsavtalu uttan USA

12.11.2018 - 17:12
AktueltÚtheimurin
Asiatisku londini gera fríhandilsavtalu uttan USA
Leiðarar í fleiri asiatiskum londum miða eftir at gera eina fríhandilsavtalu fyri Asia, uttan at USA er við.
Leiðarar úr Kina og Singapore til toppfund í Singapore mánadagin 12. november.
Mynd: © Feline Lim/AFP/Getty Images  
 

Leiðarar í fleiri asiatiskum londum hittast til fund í Singapore í dag at umrøða viðurskiftini viðvíkjandi handilsavtalu millum asiatisku londini. 

Kina, Japan og India eru øll við á fundinum, og endamálið er at skipa eina avtalu sum skjótast, sum fevnir um helmingin av heimsins íbúgvum.

Avtalan skal viga upp ímóti handilspolitikkinum hjá Donald Trump, forseta, sum verður kallað America first.

Donald Trump, forseti, hevur givið avboð til fundin í Singapore, men hann hevur sent varaforsetan, Mike Pence á fundin.

Tað verður tikið sum tekin um, at Donald Trump ikki hevur stórvegis áhuga í eini avtalu.

Hann sleit samstarvið við Trans Pacific Partnership, sum fevndi um 11 lond, so skjótt sum hann varð tikin í eið sum forseti.

Avtalan hevði til endamáls at lækka tollin á vørum ímillum londini og at økja samhandilin. Tann avtalan fór fyri bakka stutt eftir.

Nú ætla 16 lond at skipa eina nýggja avtalu, uttan at USA er við. Teirra millum eru: Kina, India, Japan, Suðurkorea, Ný Sæland og Australia.

Roknað verður við, at avtalan kemur í gildi um stutta tíð.

 

Sí eisini

Nýggjastu sendingar í ÚV
Mikudag 26. februar
Nón 26. februar 2020
105314
Mikudag 26. februar
Áðrenn Elvis: Morgun
105332
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169
Sunnudag 23. februar
Guðstænasta í Miðvágs kirkju
105167