Neistin vann fyrstu FM-finaluna

Neistin vann fyrstu FM-finaluna, sum varð spæld ímóti H71 í Hoyvíkshøllini.

Neyðugt var við umdysti á tvær ferðir fimm minuttir, tí upprunaligi dysturin endaði við javnleiki, 24-24. Hálvleiksstøðan var 14-12 til Neistan.

Neistin endaði omaná í umdystinum. Teir vunnu samanlagt 30-28. Í hálvleikinum var støðan 27-24 til Neistan.

Enn er tó langt á mál, tí spælt verður við eini best av fimm skipan. Tað merkir, at tað liðið sum fyrst vinnur tríggjar finalur er føroyameistari.

Neistin og H71 spæla aftur FM-finalu komandi mikukvøld. Kringvarpið stroymir allar FM-finalurnar beinleiðis á kvf.fo