Nýtt oddalið í kvinnukappingini

Spenningurin er stórur í fremstu kvinnukappingini í fótbólti, og nú er felagsliðið úr Fuglafirði, Leirvík,Gøtu og Toftum nýtt oddalið.

ÍF/Víkingur/B68 tók í dag ímóti KÍ í Gøtu. Heimaliðið vann dystin 2-0. Støðan í hálvleikinum var 0-0.

Hjørdis Rasmusdóttir skoraði bæði málini fyri heimaliðið. Málini komu tá ið 67. og 76. minuttir vóru farnir.

Við sigrinum er ÍF/Víkingur/B68 nú á fyrsta plássi við 20 stigum. KÍ er á øðrum plássi við 19 stigum.