Avrætta fólk, sum ikki hava verið í rættinum

12.06.2019 - 08:30
AktueltÚtheimurin
Avrætta fólk, sum ikki hava verið í rættinum
Norðurkorea avrættar fólk í skúlagørðum og á marknaplássum, sambært nýggjari frágreiðing
Stýrið hjá Kim Jong-un í Norðurkorea hevur framt 323 avrættingar seinastu árini, stendur í nýggjari frágreiðing
 

Suðurkoreiski felagsskapurin, Transitional Justice Working Group, stytt TJWG, hevur gjørt samrøður við 610 norðurkoreiskar avhopparar, sum hava greitt frá tí, tey hava sæð í sambandi við avrættingar í afturlatna landinum.

Í niðurstøðu í nýggju frágreiðingini frá suðurkoreiska felagsskapinum stendur millum annað, at Kim Jong-un og stýrið hjá honum í Norðurkorea hava framt 323 avrættingar seinastu árini.

25 hópgravir funnar

Avrættingarnar verða, sambært TJWG, framdar á almennum støðum - eitt nú á marknaplássum og í skúlagørðum, og tey, sum verða avrættað, hava ikki verið í rættinum fyrst.

Ofta eru fleiri hundrað áskoðarar, og almeningurin hevur ikki loyvi at filma ella taka myndir av avrættingunum. TJWG skrivar í frágreiðingini, at í Norðurkorea eru 25 hópgravir funnar, har offur sum eru avrættað, eru grivin ella brend. 

Vanligu brotsverkini, sum enda við deyðarevsing, eru manndráp, drápsroynd, menniskjahandil, at stjala kopar ella neyt, stendur í frágreiðingini, sum Washingon Post og New York Times hava endurgivið burtur úr.

 
Nýggjastu sendingar í ÚV
Leygardag 17. august
Úr Fámjin til Trongisvágs (2:3)
97730
Fríggjadag 16. august
"Kveik Ung" verkstova
97734
Fríggjadag 16. august
Minibarrin 16. august
97723
Nýggjastu sendingar í SV
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257
Mikudag 7. august
Úr savninum: Frætt & fregnað (5:11)
16490