Skjýtur uppskot um kunngerð niður

20.06.2019 - 12:34
AktueltUmhvørvi
Skjýtur uppskot um kunngerð niður
Uppskotið um kunngerð um at flyta vandamiklan farm á landi fær av at vita frá Føroya arbeiðsgevarafelagi
Tangabilar taka meiri olju enn uppskotið um kunngerðina um at flyta vandamiklan farm loyvir
 

Yvirskipað heldur Arbeiðsgevarafelagið tó, at tað er skilagott við slíkari kunngerð. Men felagið hevur nógvar viðmerkingar um uppskotið hjá Samferðslumálaráðnum.

Felagið sigur millum annað, at óneyðugt er at endurnýggja góðkenningina hjá tangabilum 24. hvønn mánað.

Tangabilar til oljuflutning verða gjørdir eftir evropeiskum reglum og Beredskabsstyrelsen í Danmark góðkennir teir, áðrenn teir koma til Føroya. Tá teir eru komnir til Føroya, góðkennir Arbeiðs- og brunaeftirlitið teir eisini. 

Samanumtikið heldur Arbeiðsgevarafelagið, at uppskotið um kunngerð krevur ov nógva umsiting hjá vinnuni. Tað undrar felagið, at ikki mugu flytast størri nøgdir enn 14.000 litrar hvørja ferð.

Nógv meira uttanlands

Í londunum kring okkum kunnu flytast upp í 50.000 litrar. Arbeiðsgevarafelagið mælir frá at hava øðrvísi reglur í Føroyum. Ein orsøk er, at vandamikil evni verða flutt til Føroya í tangum, sum taka næstan tað dupulta av 14.000 litrum.

Harafturat hava oljufeløgini bilar, sum eru bygdir og góðkendir at taka 24.000 litrar hvørja ferð, umframt at teir hála ein vogn, sum tekur 20.000 litrar. Tað geva 44.000 litrar hvørja ferð.

Arbeiðsgevarafelagið heldur eisini, at markið fyri spreingievni er ov lágt sett. Tað er 250 kilo í uppskotinum. Tað eigur at vera 750 kilo, heldur felagið. Arbeiðsgevarafelagið hevur nógvar aðrar viðmerkingar um uppskotið um kunngerð.

 
Nýggjastu sendingar í ÚV
Mánadag 22. juli
Minibarrin 22. juli 2019
96982
Mánadag 22. juli
Summartímin fríggjadagin 19. juli
96981
Sunnudag 21. juli
Guðstænasta í Glyvra kirkju
96956
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747